बोरिस जॉन्सन यांचा राजीनामा
Indiadailyupdate.com – ब र टनच प तप रध न – गुरुवारी ब्रिटनचे पंतप्रधान बोरिस जॉन्सन (५८) यांनी हुजूर पक्षाच्या नेतेपदाचा राजीनामा दिला. त्यांच्याविरोधात पक्षातल्या जवळपास ५० खासदारांनी बंड केल्याने त्यांच्यापुढे राजीनामा देण्याचा निर्णय बरोबर झाला. नवा नेता निवडीपर्यंत जॉन्सन ब्रिटनचे काळजीवाहू पंतप्रधान म्हणून कायम राहतील.
जॉन्सन यांनी तीन वर्षांच्या पंतप्रधान म्हणून ब्रेक्झिट निर्णयाचे समर्थन केले होते. पण त्यांची लोकप्रियता कालानुक्रमे कमी होत गेली. काही महिन्यांपूर्वी क्रिन्स पिंचर यांची डेप्युटी चीफ व्हीपपदी नियुक्ती करण्याचा निर्णय घेताना जॉन्सन यांची बर्बादी झाली. त्यांच्या या निर्णयाला पक्षातील सदस्य व मंत्रिमंडळातील बहुसंख्य सदस्यांचा विरोध होता. हा विरोध जॉन्सन यांनी मान्य केला व आपली चूक झाल्याची कबुली दिली होती.
प्रसिद्ध झालेल्या बातमीत पिंचर यांनी लंडनमधील एका प्रायव्हेट क्लबमध्ये दोन पुरुषांना स्पर्श केल्याचे खुलासे होते. या वृत्तानंतर पिंचर यांना राजीनामा द्यावा लागला. त्याने बोरिस जॉन्सन यांची डोकेदुखी वाढली. पिंचर यांच्या सेक्स स्कँडलमुळे जॉन्सन यांच्यावर टीका होऊ लागली. जॉन्सन यांनी आपल्याला पिंचर यांच्याविरोधात आलेली तक्रार तोंडी होती व त्यामुळे त्यांच्यावर कारवाई केली नाही, असे स्पष्टीकरण त्यांनी दिले.
बीबीसी व अन्य प्रसार माध्यमांनी दिलेल्या वृत्तानुसार येत्या ऑक्टोबर महिन्यापर्यंत जॉन्सन पंतप्रधानपदावर राहतील व त्यानंतर नवा पंतप्रधान सूत्रे घेईल, असे सांगण्यात येत आहे. पिंचर यांना निलंबित केल्यानंतर त्यांनी माफी मागत आपण सर्व चौकशीला सामोरे जाऊ असे आश्वासन दिले आणि वैद्यकीय उपचार घेत असल्याचे सांगितले.
पिंचर प्रकरणानेच बोरिस जॉन्सन यांना पक्षातील असंतुष्टांचा सामना करावा लागला व त्यात त्यांना राजीनामा द्यावा लागला. गुरुवारी जॉन्सन यांनी आपल्या १० डाऊनिंग स्ट्रीट या निवासस्थानाबाहेर येऊन आपण पंतप्रधानपदाचा राजीनामा देत असल्याची घोषणा केली. आपण राजीनामा द्यावा अशी हुजूर पक्षाची इच्छा असल्याने आपण हा निर्णय घेतल्याचे त्यांनी सा�
